Wednesday, November 22, 2006

வீடியோச் சிரிப்பு!



நான் திண்டத உங்களுக்கும் பிச்சுத்தாறன் நீங்களும் திண்டுபாருங்கோ. மறக்காமல் மிச்சமாய் ஒரு ஏவறையாவது ஒப்பீனியனா எனக்காக விட்டிற்றுப் போங்கோ.



வீடியோவின் பெருமையினை விரிவாக நான்பாட விநாயகனே நீயென்றும் காப்பு!

வீடியோ என்றொன்று வந்திங்கு அதுகாட்டும் விளையாட்டுக் களவில்லைக் காண்!

வீடியோ இல்லாத விழாவெல்லாம் விழாவில்லை!
விழாவிற்கு வீடியோவே தலை!

கலியாண மண்டபத்தில் வீடியோ ஆடுகின்ற
சதிராட்டத்துக் களவில்லைக் காண்!

சுபமுகூர்த்த வேளைசற்றுக் கடந்தாலும் காத்திருப்பார்
வீடியோ வரும்வரையில் தான்!

வீடியோ வரும்வரையில் குருக்களும் காத்திருப்பார்
வீடியோ பெருமைக்கோர் சான்று!

வீடியோ சொல்லும்வரை தாலியினைத் தொடமாட்டார்
வீடியோ ஆட்சிக்கோர் சாட்சி!

கன்னியவள் முகம்பார்த்துத் தாலியினைச் சூட்டாது
வீடியோ முகம்பார்ப்பான் காளை!

வீடியோ பிடிப்போர்கள் அணிவகுத்து நிற்பதனால்
விழா நிகழ்வு காண்தல் அரிது!

பூப்படைந்த கன்னிக்கு நீராட்டும் விழாவிலது
புரிகின்ற விந்தைகளோ நூறு!

கிணற்றடியில் உருவாக்கும் நீர்வீழ்ச்சியிலே கன்னி
குளிப்பதுமோர் வீடியோக் காட்சி!

கன்னியுடை மாற்றுகின்ற அறையுள்ளே நுழைந்திடவும்
பின்நில்லார் வீடியோ காண்!

சேலையினைச் சீர்செய்வார் கன்னியின் முகம்பிடிப்பார்
சேட்டைகளைப் பார்த்திருப்பர் பெற்றோர்!

மிக்சிங் செய்வதென்று கன்னிக்கு வீடியோ தரும்வதைகள்
ஒன்றல்ல நூறுவரும்!

கன்னியிடம் உண்டாகும் கூச்சத்தில் அரைப்பங்கு
வீடியோ போக்கிவிடும் காண்!

சிறப்பாக வீடியோ அமையுமென்ற ஆசையிலே
சிரித்தபடி பார்த்திருப்பர் பெற்றோர்!

வீடியோ படம்பிடிக்க வரும்போ ததன்பின்னால்
விரைந்துவரும் பெரியதொரு அணி!

குடைபிடிக்கத் திரைபிடிக்க மின் விளக்கும்
பிடிக்கவென்றே குளுவொன்று பின்தொடரக் காண்!

தாமரைக் குளமமைக்கத் தொட்டியுடன் தாமரைப்பூ
வீடியோ கொண்டுவரும் காண்!

விழாவிலே நிகழ்பவற்றைப் படம் பிடிப்பதைவிட்டு
வீடியோ காட்டுமே வித்தை!

விழாவுக்கு வாராது வந்ததென்று பொய்யுரைத்தால்
வீடியோ விளம்பிடுமே உண்மை!

வீடியோ மோகமெங்கள் பண்பாட்டைச்
சிதைக்குதையோ இனியாலும் விழித்திடுவீர்!

4 comments:

Johan-Paris said...

கலீஸ்!
என் திருமணத்தை வீடியோ வைத்தே!! செய்தேன். நான் என் சொல்வேன். பராபரமே!!
யோகன் பாரிஸ்

prabu said...

good.. To contact with me add scoutprabu@hotmail.com in yr msn messenger.

கலீஸ் said...
This comment has been removed by the author.
கலீஸ் said...
This comment has been removed by the author.